1. Virkisøki
1.1 Hesar sølu- og veitanartreytir eru galdandi millum P/F Maria Poulsen (seljari), og ein hvønn keypara í mun til alla sølu, øll tilboð, bíleggingar og veitingar, uttan so, at onnur skrivligur sáttmáli er gjørdur.
1.2 Møgulig frávik, eitt nú í innkeypstreytum keyparans, kunnu einans gerast við seljarans undangóðkenning.
1.3 Seljari kann til einhvørja tíð broyta hesar sølu- og veitanartreytir.
2. Gjaldsfreistir
2.1 Gjaldsfreistin fyri vørur, sum verða keyptar frá sølubúðum seljarans, er kontant gjald.
2.2 Um ikki annað er avtalað, eru gjaldsfreistin 14 dagar frá dato á faktura.
2.3 Seljarin hevur rætt til rentur, sambært galdandi rentulóg, um ikki er goldið rættstundis á 1,5%.
2.4 Seljarin tilskrivar avgreiðslugjald á rokningar.
3. Levering
3.1 Tá vørur og tænastur eru leveraðar, ber keyparin váðan fyri skaðum íkomnir av hendiligum óhappum.
3.2 Vørur, sum verða keyptar frá sølubúðum seljarans, eru leveraðar á staðnum.
3.3 Í øðrum førum eru vørur leveraðar tá tær eru komnar fram til staðið, sum keyparin ásetir. Tó so, at vørur, sum skulu sendast, eru leveraðar tá seljarin hevur latið tær til fyrsta sjálvstøðuga flutningslið.
3.4 Tænastur og aðrar veitingar, eisini veitingar har vørur seljarans innganga, eru leveraðar, tá arbeiðið er liðugt.
4. Ábrek og klaga
4.1 Keyparin skal beinanvegin eftir at vøra/tænasta er leverað, kanna eftir um vøran/tænastan hevur sjónlig ella virkislig ábrek. Klaga um slík ábrek skal latast seljaranum í seinasta lagi 7 dagar eftir levering. Um seljarin ikki hevur móttikið slíka klagu á sjeynda degnum aftaná levering, missir keyparin rættin til at klaga um slík ábrek.
5. Ábrek og klaga (arbeiðstøkur)
5.1 Um vørur ella veitingar seljarans verða nýttar í arbeiðstøku, sum er skipað sambært reglunum í AB92/ABT93/ABF06, er ásetingarnar í grein 5.2-5.3 galdandi.
5.2 Tað er ein fortreyt, at keyparin í seinasta lagi tá vøra/tænasta verður leverað skrivliga upplýsir seljaran um, at vøran/tænastan skal brúkast í arbeiðstøku, har sáttmálagrundarlagið er sum nevnt í grein 5.1.
5.3 Freistin í grein 4.1 er í hesum førum 5 ár frá at arbeiðstøkan, sum vøra/tænasta seljarans er vorðin partur av, er handað, men í seinasta lagi 6 ár eftir at vøra/tænasta seljarans er handað keyparanum.
5.4 Reglurnar í AB92/ABT93/ABF06, § 5, stk. 5 og § 10, stk. 4 eru galdandi, men einans um vøran/tænastan frá seljara hevur ábrek, og keyparin sambært sáttmálanum við seljara kann gera krav galdandi í hesum sambandi, við undantøku av ásetingum um ábrekstíðarskeiðið, smb. grein 5.3.
6. Ábyrgd
6.1 Seljarin kann ábyrgdast fyri skaða íkomin av vørum ella tænastum frá seljaranum, sambært vanligum endurgjaldsreglum.
6.2 Seljarin átekur sær undir ongum umstøðum ábyrgd fyri óbeinleiðis fíggjarmissi, t.d. mistar inntøkur og mistan vinning, íkomin av vørum ella veitingum frá seljaranum.
6.3 Við fyrivarni fyri ásetingunum í tvingandi lóggávu og grein 3, ger hendan ásetingin endaliga upp við endurgjaldsskyldu seljarans.
7. Returvørur
7.1 Keyparin kann lata vørur innaftur, undir hesum treytum:
- Vørur vera bert tiknar retur um so er at avtala um hetta fyriliggur
- Vøran er óbrúkt og seljandi
- Vøran er óskødd og í originalari innbjálving
- Vøran er útgreinað og flokkað
- Vørur veittar retur vera góðskrivaðar til keypara við einum frádrátti í 10% av keypsprísi.
- Keyparin kann skjalprógva, at vøran er keypt frá seljara
- Tað í mesta lagi eru farnar 4 vikur frá at vøran varð leverað
- Vørur, sum seljarin serliga hevur fingið til vega til keyparan, verða einans tiknar aftur, um veitarin hjá seljaranum kann taka vøruna aftur.
Keyparin rindar allar kostnaðir í samband við returvørur, og ber allan váða í samband við flutning aftur til seljara og seljarans veitara.
8. Tvingandi kringumstøður (Force majeure)
8.1 Partarnir kunnu ikki ábyrgdast um als ikki ber til, ella um tað gerst órímiliga tungført, at lúka ásetingarnar í hesum sølu- og veitanartreytum orsakað av: arbeiðsstríði ella einhvørjari aðrari umstøðu, sum partarnir ikki eru harrar yvir, t.d. teldusníks- og virusálop, heilsukreppur og farsóttir, bruni, kríggj, herbúgving, indráttur, gjaldoyraavmarkan, uppreistur og ófriður, trot av flutningstólum, vanlig vørutrongd, avmarkað drívmegi umframt trot ella seinkan frá undirveitarum orsakað av fyrrnevndu ávum.